[勉為其難]

返左黎一大段日子,終於知道原來Year2的確唔同,覺得自己步伐比較慢,好多野都唔係好明,幸好都有人幫我,所以未算真係難到我.

呢個星期就有2個測驗,今日先做完1個,17/30,總算合格,起碼自己的確低估左呢次測驗,聽日仲有1個,今晚都要全程溫熟佢.

6月尾就要搬,但係地方仲未搵到,真係有點煩,不過我希望好快搵到!!

P.S:大發現!!真係大發現!!

[始終...要走]

終於返到去澳洲,係呢個月香港,真係悲喜交集,開心既係可以搵番自己果幾位朋友一齊出黎食飯,睇戲,唱K,睇波,甚至..玩大富翁!!至於唔開心既野就有親人離去左,雖然只係短短一個月,但係發生左好多件事情,有同佢地第1次睇大埔比賽,結果3:1呢個賽果令我同祺買唔到波衫,又一齊去黃金高登買電腦野,終於買到16GB手指同埋2GB RAM,又可以試下高清手指睇高清電視,真係好清,又有得睇J2台,不過始終係TKW既,最終都還番俾佢!!至於同祺最後都買到波衫,仲好快拎埋添,最開心既係,多次遇到祖利亞同祖爾,仲同祖爾影相,不過同祖利亞影相果陣就無電,無得影,而有次係大埔買野果陣又撞到祖利亞,仲同佢傾左陣計添!!

呢4個星期,基本上日日都有一定事情要做,起碼我宜家返到黎,我仲記得邊日去睇波,邊日同邊個去買野!!不過呢,我仲記得琴晚呢個時候執野,估唔到宜家呢個鐘數就已經返到黎澳洲,時間真係過得好快,呢個月真係過得好快!!睇黎3月開始,我要訂立多個目標俾自己,唔可以再令自己失望!!

P.S:返黎呢1個月,ADD左好多小學同學既facebook,可以搵番佢地真係好呀!!

P.S2:原來香港真係好多背多分,永遠同正面成反比!!

[盡地一鋪]

考試就快到,仲要係下星期2考,講真,4科入面,我覺得無一科真係有把握,因為科科我都記唔哂入腦,真係記到呢樣,記唔到果樣,宜家都係盡量死背D野,希望Pass到,但係信心始終唔高.

再加上自己無乜動力去推動自己去做,最多都係2,3粒鐘,跟住就唔想做,可能要到最後一分鐘自己先識驚,點都好..呢次考試一定要成功,如果唔係,悲劇只會重演.而我唔想再做悲劇人物.

[十三么]

[悲劇人物]

好耐無打XANGA,因為自己懶於花10多分鐘去打,但係排期又想打番低,因為始終唔想放棄打XANGA呢個習慣,唔係為左俾其他人睇,而係抒情自己每日睇見唔同事情而得到既睇法!!

唔經唔覺,11月已經過左1半,同樣地,我呢個學期又已經過左1半,但係自己好似間中放空,未能投入狀態當中,正因如此,其中一科測驗,滿以為自己拎到好高分,點知只係僅僅合格高少少,真係好唔開心,測驗考得唔好,假如考試失手既話,所差果4,5分就係呢度失去....琴日經濟科測驗,幸好不算太難,只係有陣時混淆左少少concept,好彩隔離位朋友都肯俾我睇佢少少既答案,令我諗番起部份concept!!

呢個星期將有1份paper要寫,至少1500字,我要今,明兩日開始要做,雖然下星期5交,只係怕宜家唔開始,好難會如期完成!!

上星期還煩緊搬與不搬既事情,最後都係唔搬,等到明年6月尾先至搬,因為...1月份我會返黎!!

我慢慢開始發覺現在既我同年初既我有好大既分別,年初岩岩返黎呢度既我,樣樣都好努力去做,唔怕辛苦,點都願意嘗試,但宜家既我,開始懶,諗縮數,猜忌別人,揸流灘...某大程度係以往呢個時候可能諗住返黎,但係宜家仲要繼續讀..開始集中力下降等等!!

究竟什麼是悲劇人物呢?我算唔算係呢?現時既我都有可能係........